Дар Саридораи геология Рӯзи кормандони соҳаи ҳифзи сирри давлатӣ ҷашн гирифта шуд
Бахшида ба Рӯзи кормандони соҳаи ҳифзи сирри давлатӣ, ки ба 6 май рост меояд, дар Саридораи геологияи назди Ҳукумати Ҷумҳурии Тоҷикистон ҷаласаи тантанавӣ доир карда шуд.
Ҷаласаро Сардори Саридораи геология Илҳомҷон Оймуҳаммадзода ифтитоҳ намуда, кормандони бахшу қисмҳои низоми махфии Саридораи геологияро ба муносибати иди касбӣ табрик гуфта, дар фаъолияти пурмасъулу шарафмандонаи давлатиашон барору комёбиҳо таманно намуд.
Ҷаласаи ҳайати мушовараи Саридораи геология баргузор гардид
Имрӯз, 11 март дар маҷлисгоҳи Саридораи геология таҳти раёсати Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода ҷаласаи навбатии ҳайати мушовараи Саридораи геология доир ба ҷамъбасти натиҷаҳои фаъолият дар семоҳаи якум доир гардид.
Дар ҷаласа аъзои ҳайати мушовара, сардорони шуъбаву бахши Дастгоҳи марказӣ, роҳбарони корхонаҳо, саргеологҳо, сармуҳосибҳо ва роҳбарони муассисаҳои Саридораи геология иштирок намуданд.
Мулоқоти Сардори Саридора бо намояндагони Вазорати нафти Ҷумҳурии Исломии Эрон
13 марти соли 2023 Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода бо ҳайати намояндагони Вазорати нафти Ҷумҳурии Исломии Эрон таҳти роҳбарии Директори идораи иктишофии Ширкати миллии нафтии Эрон Баҳмани Сулаймонӣ мулоқот намуд.
Дар мулоқот ҷонибҳо имкониятҳои ҳамкории дуҷониба дар самти омӯзиш, иктишоф ва кашфи майдонҳои ояндадори нафту газдори Ҷумҳурии Тоҷикистонро мавриди баррасӣ қарор доданд.
Таҷлили Наврӯзи байналмилалӣ дар Саридораи геология
19 март дар саҳни ҳавлии КВД «Экспедитсияи иктишофи геологии ашёи радиоактивӣ»-и Саридораи геология бо иштироки роҳбарият, кормандони дастгоҳи марказӣ ва корхонаву муассисаҳои зерсохтори Саридора ҷашни байналмилалии Наврӯзи оламафрӯз таҷлил гардид.
Саҳни ҳавлии корхона намуди идона дошт. Аслан аз дирӯз ба ороиши саҳнаи ҷашнӣ омодагӣ мерафт ва субҳ аллакай ин саҳна ва базмгоҳ ба қабули ширкаткунандагон омода буд. Баннерҳои Наврузӣ овехта, саҳни ҳавлӣ бо табақҳои сабза ва сӯзаниҳои гулдӯзии гуногун оро дода шудаанд. Инчунин аз як тарафи базмгоҳ як миз барои оро додани дастурхони Наврузӣ, «ҳафт син» ва «ҳафт шин» низ ба назар мерасид.
Москва: ҷаласаи якуми гурӯҳи кории аъзои Шӯрои байниҳукуматии ИДМ оид ба иктишоф, истифода ва ҳифзи қаъри замин баргузор шуд
14 март дар шаҳри Москва ҷаласаи якуми гурӯҳи кории аъзои Шӯрои байниҳукуматии Иттиҳоди Давлатҳои Мустақил /ИДМ/ оид ба иктишоф, истифода ва ҳифзи қаъри замин доир гардид, ки дар кори он Раиси Шӯрои байниҳукуматии ИДМ оид ба иктишоф, истифода ва ҳифзи қаъри замин дар соли 2023, Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода тариқи онлайн ва гурӯҳи корӣ дар шаҳри Москва таҳти роҳбарии муовини сардори Саридора Алимаҳмуд Ализода ба таври ҳузурӣ иштирок намуданд.
Мулоқоти Сардори саридораи геология бо намояндаи хадамоти геологияи Финляндия
7 марти соли 2023 Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода бо намояндаи Хадамоти геологии Финляндия Яана Лохва мулоқот намуд.
Дар рафти вохӯрӣ таҳкими ҳамкории дуҷониба бо Хадамоти геологияи Финляндия, аз ҷумла имзои Ёддошти тафоҳум байни Саридораи геология ва Хадамоти геологияи Финляндия дар доираи лоиҳаи «Тақвияти азхудкунии захираҳои табиӣ барои некуаҳволии миллӣ дар Тоҷикистон, марҳилаи II» баррасӣ шуд.
Баргузории Анҷумани сармоягузорӣ ва рушди Тоҷикистон дар Лондон
28-29 марти соли 2023 дар шаҳри Лондон бо ташаббуси Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ ва дастгирии Ҳукумати мамлкат Анҷумани сармоягузорӣ ва рушди Тоҷикистон баргузор гардид.
Дар кори ин Анҷуман, ки дар таърихи равобити дуҷонибаи Тоҷикистону Британияи Кабир бори аввал барпо шуд, доираи васеи ширкаткунандагон аз зумраи роҳбарону масъулини вазорату идораҳои давлатии кишвар, соҳибкорону сармоягузорон, роҳбарият ва намояндагони ширкату корхонаҳои бонуфузи ҷаҳон – дар маҷмӯъ зиёда аз 250 нафар иштирок намуданд.
Табрикоти Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода ба ифтихори ҷашни Наврӯз
Ҳамкорони азиз,
Фарорасии ҷашни ҷаҳонии Наврӯзи оламафрӯз, ҷашни пирӯзии гармо бар сармо, нур бар зулмат, некӣ бар бадиро самимона таҳният гуфта, дар соли нави аҷдодӣ ба ҳамаи шумо рӯзгори осуда, ваҳдату муҳаббат, қалби пок ва ба Ватани азизамон сарсабзию шукуфоӣ орзу менамоям.