Ҷаласаи васеи ҳайати мушовараи Саридораи геология доир гардид
Имрӯз, 10-уми январи соли 2025 дар Саридораи геология ҷаласаи васеи ҳайати мушовара оид ба ҷамъбасти фаъолияти саридора дар соли 2024 ва вазифаҳо барои соли 2025 баргузор гардид.
Дар ҷаласа сардори Саридораи геология, муовинони сардор, роҳбарони воҳидҳои сохторӣ ва кормандони Дастгоҳи марказӣ ширкат варзиданд.
Дар кори ҷаласа ҳамчунин, сармутахассиси раёсати рушди инфрасохтори Дастгоҳи иҷроияи Президенти Ҷумҳурии Тоҷикистон Қудратулло Аминзода иштирок кард.
Табрикоти Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода бахшида ба Соли нави мелодӣ
Ҳамкасбон ва ҳамкорони азиз!
Бо камоли эҳтиром Шуморо ба муносибати фарорасии Соли нави мелодии 2025 табрику таҳният гуфта, қадами хуҷастаи онро ба кишвари азизамон, ки мардуми шарифи Тоҷикистон онро бо неруи баланди созандагӣ ва дастовардҳои нодир дар рӯҳияи ватандориву меҳанпарастӣ таҷлил менамоянд, хуш омадед мегӯем.
Одатан, дар арафаи Соли нав дар тамоми соҳаҳои хоҷагии халқ, натиҷаҳои меҳнати зарбдорона ҷамъбаст гардида, нақшаҳои нави корӣ матраҳ мегарданд.
Таҷлили иди касбӣ - рӯзи геологҳои Ҷумҳурии Тоҷикистон дар Саридораи геология
Соли 2024 барои кормандони Саридораи геология соли хотирмон аст, зеро дар ин сол бори аввал дар Ҷумҳурии Тоҷикистон ҷиҳати иҷрои вазифаҳое, ки дар Паёми Президенти Ҷумҳурии Тоҷикистон 28-уми декабри соли 2023 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» ба саридораи геология дода шуд, “Атласи равандҳои экзогенӣ-геологии Ҷумҳурии Тоҷикистон” бо се забон - тоҷикӣ, русӣ ва англисӣ тартиб дода шуд. Ин нукта зимни баргузории ҷаласаи тантанавӣ, ки ба иди касбӣ-Рӯзи геологҳои Ҷумҳурии Тоҷикистон бахшида шуда буд, зикр гардид.
Боздиди роҳбарияти Саридораи геология аз кони молибдени ШТАТИ Калифорния
Дар доираи Барномаи роҳбарон-ширкаткунандагони байналмилалӣ дар мавзӯи «Ҳамкорӣ дар соҳаи коркарди сарватҳои зеризаминии нодир» дар Иёлоти Муттаҳидаи Амрико ҳайати Ҷумҳурии Тоҷикистон таҳти роҳбарии сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода 22-юми ноябри соли 2024 аз кони молибдени Glimax Molybdenum, Ширкати фаръии Freeport-McMoRan штати Калифорния боздид кард.
Паёми шодбошии сардори Саридораи геология Илҳомҷон Оймуҳаммадзода ба муносибати Рӯзи Парчами давлатӣ
Ҳамкорони азиз,
Шуморо бо Рӯзи Парчами миллӣ, ки ҳамасола 24 ноябр бо шукуҳу шаҳомати хоса таҷлил карда мешавад, табрик менамоям.
Парчам дар тӯли садсолаҳо мояи ифтихору ғурур халқ буда, дар қатори рамзу аркони давлатдорӣ мақому манзалат дошт.
Дар таърихи қадимии рамзҳо парчам ба рамзи пирӯзӣ ва сипас ба рамзи давлатдорӣ табдил ёфта буд. Дар «Шоҳнома»-и Абулқосими Фирдавсӣ Шоҳ Фаридун парчами худро «Дирафши Ковиёнӣ» номид, ки маънии дурахшидан, рӯшноӣ додан, партавафкандан ва тобидан медиҳад.
Таҷлили Рӯзи Парчами Ҷумҳурии Тоҷикистон дар Саридораи геология
Имрӯз, 22-юми ноябр дар Саридораи геологияи назди Ҳукумати Ҷумҳурии Тоҷикистон бахшида ба Рӯзи Парчами Ҷумҳурии Тоҷикистон ҷаласаи тантанавӣ баргузор гардид.
Дар ҷаласаи тантанавӣ муовини раиси Иттифоқи нависандагони Тоҷикистон, адиби шинохтаю сермаҳсул ва нависандаи маъруфи тоҷик Равшан Махсумзод иштирок ва маърӯза кард.
Табрикоти Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода бахшида ба Рӯзи Президенти Ҷумҳурии Тоҷикистон ва Иҷлосияи 16-уми Шурои Олии Ҷумҳурии Тоҷикистон
Муҳтарам ҳамкорон,
Ҳамасола дар мамлакат 16-уми ноябр ҳамчун Рӯзи Президенти Ҷумҳурии Тоҷикистон ва солгарди баргузории Иҷлосияи таърихии 16-уми Шурои Олии Ҷумҳурии Тоҷикистон ҷашн гирифта мешавад.
Иҷозат диҳед, Шуморо бо Рӯзи Президенти Ҷумҳурии Тоҷикистон ва 32-солагии Иҷлосияи таърихии 16-уми Шурои Олии Ҷумҳурии Тоҷикистон табрик гуфта, бароятон тансиҳатию сарбаландиро таманно намоям.
Ҷаласаи тантанавӣ бахшида ба Рӯзи Президенти Тоҷикистон ва Иҷлосияи таърихии XVI Шурои Олӣ
15-уми ноябр дар Саридораи геологияи назди Ҳукумати Ҷумҳурии Тоҷикистон бо иштироки роҳбарият ва кормандон бахшида ба Рӯзи Президенти Ҷумҳурии Тоҷикистон ва Иҷлосияи XVI Шурои Олии Ҷумҳурии Тоҷикистон ҷаласаи тантанавӣ баргузор карда шуд.
Дар ҷаласаи тантанавӣ раиси Кумитаи иҷроияи ҲХДТ дар ноҳияи Исмоили Сомонӣ Қурбонзода Убайдулло, ёвари сардори Хадамоти иҷрои назди Ҳукумати Ҷумҳурии Тоҷикистон, номзади илмҳои ҳуқуқшиносӣ Рухшона Каримзода ва сардори бойгонии Саридораи нотариалии давлатии Ҷумҳурии Тоҷикистон Валӣ Темиров иштирок ва маърӯза карданд.